Сүүлийн үед Нийслэл хотод маань аймшигтай гэмээр хэргүүд гарсаар байгаа билээ түүний нэг нь өнгөрсөн наймдугаар сард Баянзүрх дүүргийн 21 дүгээр хорооны нутаг дэвсгэрт болсон нэгэн бяцхан охины учир битүүлэг үхэл юм. Тэрээр Баянзүрх дүүргийн 21 хорооны нутаг дэвсгэрт үйл ажилгаагаа явуулдаг “Очир” төвийн зочид буудлын өрөөнд энэ оны наймдугаар сарын 22-23-ны шилжих шөнө 13 настай М охин амиа алдсан хэрэг гарсан юм.
Шүүхийн шинжилгээний үндэсний хүрээлэнгээс урьдчилсан байдлаар охиныг архины хордлогод орсон гэх дүгнэлт гаргажээ. Энэ хэрэгт охиныг буудалд дагуулж орсон хоёр залууг сэжиглэн эрүүгийн хэрэг үүсгэн шалгаж байгаа юм. Тэднийг бага насны хүүхэд хүчиндсэн гэх зүйлчлэлээр эрүүгийн хэрэг үүсгэн шалгаж буй бөгөөд охины амийг хөнөөсөн хэрэгт буруутгаагүй байна.
