Орон сууцны гаднах явган хүний зам дээр тээврийн хэрэгсэл зогсоовол ₮20,000-аар торгох хуультай

Орон сууцны гаднах явган хүний талбайд тээврийн хэрэгсэл зогсоож, явган хүний хөдөлгөөнд саад учруулбал 20,000 төгрөгөөр торгох хуультай.

Тухайлбал цагдаагийн байгууллагаас мэдээлснээр энэ сарын 21-ний өдөр нэр бүхий иргэн Баянзүрх дүүргийн нутаг дэвсгэрт байрлах дугаар байрны урд талын явган хүний зам дээр “Тoyota” маркийн тээврийн хэрэгслийг байрлуулж, замын хөдөлгөөний дүрэм зөрчсөн гэх үйлдэлд шалгалтын ажиллагаа явуулжээ.

Тус дүүргийн Замын цагдаагийн хэлтсээс шалгалтын ажиллагааг явуулж, Зөрчлийн тухай хуулийн 14.7 дугаар зүйлийн 35.2 дахь хэсэгт зааснаар 20 нэгжээр буюу 20,000 төгрөгөөр торгосон байна.

Иргэд энэ талаарх зөрчлийг E-police аппликэйшнээр мэдээлдэг. Зөрчлийг илгээхдээ байршил тогтоогчоо асаахгүй бол зөрчил хаана гарсныг мэдэх боломжгүй тул мэдээллүүд нь хүчингүй болдгийг албаны хүмүүс хэлж байв.

Зөрчлийн хуулиас:

14.7 дугаар зүйл.Замын хөдөлгөөний аюулгүй байдлын тухай хууль зөрчих

35.2.Тээврийн хэрэгслийг явган хүний гарц дээр, замын тэмдгээр зөвшөөрөгдөөгүй явган хүний зам дээр зогсоож явган зорчигчийн хөдөлгөөнд саад учруулсан бол хүнийг хорин нэгжтэй тэнцэх хэмжээний төгрөгөөр торгоно хэмээн заажээ.

access_time 2024-02-27 14:49

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt