25-р суваг телевизийн “Making the band” реалити шоунаас төрж, МУГЖ Ц.Чулуунбатаар өлгийдүүлсэн гэдэг утгаараа олонд хамгийн хурдан хугацаанд танигдсан охидын хамтлаг бол “Anemone”. “Охидын хамтлаг их богино настай байдаг, бид үүрд хамтдаа байна” хэмээн ярилцлага өгч байсан охид нэг цомог гаргасан уу үгүй юу шил дарааллан хамтлагаасаа гарсан.
Хамтлаг дундаа хамгийн царайлаг гэгддэг хамтлагийн ахлагч Жулдыз харин бууриа сахисаар Монголдоо “Ariunaa suri”-ийн нүүр царай болж, найз залуугийнхаа клипийг чимсээр үлдсэн. Хэсэгтээ л А.Сүхбат аваргатай холбоотой хэмээн яриулж байсан ч “Би тэр хүнийг чинь таних ч үгүй. Тийм бөх байдгийг ч мэдэхгүй” хэмээн тайлбар хийсэн байдаг. Хариуд нь харин аварга “Ядарсан ч нэг муу казак хүүхэнтэй орооцолдохгүй шүү. Тэр одоо дуулдаг юмуу, яадаг юм бэ” гэж хатуухан үгээр булаад авсан ч удаатай.
