Австралийн телевизээс ажлын гараагаа эхэлж өдгөө олон улсын чөлөөт сэтгүүлч, нэр бүхий компанийн менежерээр ажиллаж, OOGII брэндийг гаргаад буй “Гялалзсан, дайчин эмэгтэй” О.Оюунцэцэг цахим ертөнцөд нэлээд идэвхтэй байдаг билээ. Тэгвэл тэрээр хагас тэрбум төгрөгийн үнэтэй зүүлтээр гоёсноо хуваалцжээ. Энэ тухайгаа “Хүүхэд байхдаа үздэг байсан гоё кинонууд дээр л тасарчихсан гоё эгч нарт үнэт эдлэл зүүлгээд эвэнтэд оруулаад л зураг аваад л нэг тийм фантасны үйл явдлыг хараад хүүхдийн цагаахан гэгэлзсэн сэтгэлээр ингэж үзэх юмсан гэж мөрөөдөж байлаа… Гэтэл нэг л өдөр “Хагас тэрбум төгрөгийн үнэтэй” үнэт эдлэлээр гоёж үздэг юм байна. Мөрөөдөхөд мөнгө төлөхгүй, мөнгө төлдөг болсон ч мөрөөдсөөр л байх хэрэгтэй гэдэг үнэн аж” гэжээ.
