Төв аймгийн Сэргэлэн сумын Хөшиг багийн Долоон гэдэг газар /аймгийн төвөөс урд зүгт 26 км-т/ авто замын осол болж, автомашины төмөр хийцэд 1 хүн хавчуулагдсан тухай дуудлагыг 05.21-ний өдрийн 22:52 цагт аймгийн Онцгой байдлын газар хүлээн авсан байна.

Тус аймгийн Онцгой байдлын газрын Эрэн хайх, аврах бүлгийн алба хаагчдыг очиход Өмнөговь аймгийн Цогтцэций сумаас Улаанбаатар хотын чиглэлд зорчиж явсан иргэн Б-ын Королла загварын /3 зорчигчтой/ суудлын автомашин, Улаанбаатар хотоос Дундговь аймгийн чиглэлд зорчиж явсан иргэн Э-ийн “Приус 20” загварын /3 зорчигчтой/ суудлын автомашин, иргэн Г “Премио” загварын /2 зорчигчтой/ суудлын автомашинууд автозамын зорчих хэсэгт мөргөлдөж, нэг зорчигч хөл хэсгээрээ хавчуулагдсан байсныг Холматро-гийн задаргааны багаж ашиглан 20 минут ажиллан эсэн мэнд гаргаж, Төв аймгийн Нэгдсэн эмнэлгийн Гэмтлийн тасгийн эмчид хүлээлгэн өгсөн.

Эх сурвалж: ОБЕГ

Урин дулааны улирал эхэлж иргэд хөдөө орон нутагт зорчих, аялах хөдөлгөөн нэмэгддэг тул тээврийн хэрэгсэл жолоодож байхдаа өөрийн болон бусдын эрүүл мэнд, амь насыг хамгаалж, дүрмээ баримтлан анхаарал болгоомжтой зорчихыг зөвлөж байна.